SHOP MY PRESETS

UMSAGNIR FRÁ NÁMSKEIÐUM

Samfélagsmiðla námskeiðið hjá Tönju Ýr var einstaklega faglegt og lærdómsríkt. Tanja var búin að stúdera miðlana okkar í bak og fyrir og og var með mjög uppbyggilega punkta og aðferðir um hvernig við getum bætt bæði samfélagsmiðlana okkar og heimasíðuna okkar. Námskeiðið veitti manni mikinn innblástur og lærdóm hvernig við getum gert enn betur og aukið söluna og tekjurnar okkar með því að tileinka okkur þekkingu hennar á þessum miðlum. Frábært í alla staði og mæli eindregið með.

- Ragnheiður Birgisdóttir og Gígja Sara Björnsson eigendur Kattakaffihússins.

Það er ekkert annað en forréttindi að fá að vinna með Tönju. Ég leyfi mér stór orð að hún er metnaðarfullasta, duglegasta, mest hvetjandi og drífandi manneskja sem ég hef nokkurntímann unnið með. Þekking og reynsla hennar á samfélagsmiðlum er gífurlega mikil og þessi fallega ástríða sem hún er með fyrir samfélagsmiðlum er einstök. Það hefur skilað henni persónulega og mörgum einstaklingum sem og fyrirtækjum afar miklu. Allt sem hún hefur kennt mér bæði sem manneskja, í rekstri og á samfélagsmiðla er ein sú dýrmætasta gjöf sem ég hef fengið.

- MARÍA, FRUMKVÖÐULL & MARKÞJÁLFI

Tanja Ýr hefur haldið fyrirlestur um samfélagsmiðla og markaðsetningu á samfélagsmiðlum fyrir nemendur Reykjavik Makeup School núna í um eitt ár við miklar vinsældir nemenda. Fyrirlesturinn er rosalega flott uppsettur, faglegur og fróðlegur og útskýrir Tanja allt að svo mikillri innlifun og kemur öllu svo vel frá sér á líflegan og skemmtilegan hátt , hún fær nemendur til að taka mikinn þátt í fyrirlestrinum með allskyns spurningum og umræðum. Við erum ótrúlega þakklátar fyrir að hafa hana í kennarateymi RMS.

- SARA & SILLA, Reykjavik Makeup School

Mjög fróðlegt og skemmtilegt. Vel unnið að mínum persónulegu miðlum og þeim markmiðum og áherslum sem ég vil hafa. Ótrúlega gott að fá önnur augu á miðlana sína sem segja manni hvað virkar og það sem meira er hvað virkar ekki. Hlakka ótrúlega til að vinna útfrá því sem ég lærði á 1:1 samfélagsmiðlanámskeiðinu og gera mína miðla betri.

- Lilja, förðunarfræðingur og söngkona

Ég gæti ekki verið ánægðari með námskeiðið hjá Tönju Ýr, það var ótrúlega fróðlegt og gagnlegt. Námskeiðið gaf mér kraft og þekkingu til að að elta mína drauma og ná árangri. Tanja er alveg 110% í öllu sem hún gerir og 1:1 samfélagsmiðlanámskeiðið er þar engin undantekning, námskeiðið var ótrúlega vel uppsett, faglegt, lærdómsríkt og sniðið að mínum markmiðum og draumsýn. Ástríða Tönju á markaðssetningu, samfélagsmiðlum og að hjálpa öðrum að ná árangri leyndi sér ekki, það er ómetanlegt að fá svona góð ráð frá slíkum viskubrunni í þessum efnum. Ég bara gæti ekki mælt meira með þessu námskeiði fyrir alla þá sem vilja læra betur inn á markaðssetningu og samfélagsmiðla, hvort sem þeir eru að stíga sín fyrstu skref í þeim efnum eða vilja einfaldlega bara bæta við þekkingu sína og gera enn betur! Ég hlakka ótrúlega mikið til að byggja upp mína miðla út frá því sem ég lærði hjá Tönju á námskeiðinu.

- Telma Fanney

Námskeiðið Hennar Tönju Ýr um vöruþróun og stofnun vörumerkis gékk algjörlega vonum framar! Ég var mjög spennt að skrá mig à þetta námskeið og hafði smá hugmynd um hvað ég vildi vita og spurja, kom í ljós að það sem ég vildi vita var hreinlega bara brotabrot af öllum upplýsingum sem við fengum. Ég var eiginlega bara í sjokki með hversu lítið ég vissi fyrir en rosalega ánægð með magn af upplýsingum, aðstoð og fræðslu sem við fengum á námskeiðinu. Ég þarf ekki að byrja á toppnum og Tanja sýndi okkur hvernig það er hægt. Gerður arinbjarnar var með geggjaða fræðslu og pepp fyrir okkur öll. Geggjaður stuðningur og fræðsla frá Gerði. Eftir fyrsta daginn vissi ég eiginlega ekkert hverju ég ætti að eiga von á seinni daginn, viti menn, það var nóg eftir af upplýsingum. Fengum að spyrja bókara að öllu milli himins og jarðar og fá ráð og aðstoð, sem róar aðeins taugarnar fyrir okkur sem erum rétt að byrja. Virkilega ánægð með námskeiðið og alla fræðsluna sem ég fékk, gekk vonum framar og frammúr öllum mínum væntingum. Ég virkilega mæli með þessu námskeiði fyrir alla sem eru að spá í eigin rekstur og eigin vörulínu/þróun, þetta er staðurinn sem þú færð actual svör og að spyrja um allt. Tíminn er núna, taktu stökkið.

- Alexandra Douglas

Tanja Ýr hjálpaði mér að láta minn draum rætast um að opna netverslun, hún hjálpði mér með allt frá A-Ö og gat svarað öllum spurningum sem ég hafði. Gæti ekki mælt meira með Tönju enda algjör reynslubolti í þessu, svo dugleg og metnaðarfull.

- Sara Lind eigandi Noel Studios

Ég tók netnámskeiðið hjá þér og dreymir um að koma á annað námskeið hjá þér í framtíðinni. Þetta voru þær upplýsingar sem ég þurfti á að halda til að byrja mitt eigið fyrirtæki. Ég er búin að setja 8 vörur í framleiðslu og hjálpaði mér mikið tæknin við að finna réttu verksmiðjuna.

- Arna